Deepika
ADVERTISEMENT
National
ന്യൂഡല്‍ഹി: വിവിധ മേഖലകളിൽ സഹകരണം ശക്തമാക്കാൻ ഇന്ത്യ-ജപ്പാൻ ഉച്ചകോടിയിൽ തീരുമാനം. നിര്‍മിതബുദ്ധി ഉള്‍പ്പെടെയുള്ള നവ സാങ്കേതികവിദ്യകള്‍, ഊര്‍ജ വിതരണ ശൃംഖല, വാണിജ്യ, വ്യാപാര, നിക്ഷേപ സഹകരണം തുടങ്ങി സാമ്പത്തിക സുരക്ഷ വരെയുള്ള മേഖലകളിലായിരിക്കും സഹകരണം ശക്തിപ്പെടുത്തുക.
തന്ത്രപരവും സൈനികവുമായ സഹകരണം കൂടുതല്‍ ശക്തിപ്പെടുത്താനും ഡൽഹി ഹൈദരാബാദ് ഹൗസിൽ നടന്ന 16-ാമത് ഇന്ത്യ-ജപ്പാന്‍ ഉച്ചകോടിയില്‍ ജപ്പാന്‍ പ്രധാനമന്ത്രി സനേ തകായിച്ചിയും പ്രധാനമന്ത്രി നരേന്ദ്ര മോദിയും തീരുമാനിച്ചു. ഇരുരാജ്യങ്ങളും തമ്മിലുള്ള നയതന്ത്ര ബന്ധത്തിന്‍റെ 75-ാം വാര്‍ഷികം അടുത്ത വര്‍ഷം ആഘോഷിക്കുമ്പോള്‍ ഇതിനായി ശ്രമം ഊര്‍ജിതമാക്കും.
സ്വതന്ത്രവും സമൃദ്ധവും നിയമാധിഷ്ഠിതവുമായ ഇന്തോ-പസഫിക്കാണ് ഇരുരാജ്യങ്ങള്‍ക്കും പൊതുവായ മുന്‍ഗണനയെന്ന് തകായിച്ചി പറഞ്ഞു. പ്രധാനമന്ത്രി മോദിയുടെ മഹാസാഗര്‍ സംരംഭവും ജപ്പാന്‍റെ പുതുക്കിയ ഫ്രീ ആന്‍ഡ് ഓപ്പണ്‍ ഇന്തോ-പസഫിക് (എഫ്ഒഐപി) നയവുമായി വളരെ യോജിക്കുന്നുവെന്നും അവര്‍ പറഞ്ഞു. സംയുക്ത നാവികാഭ്യാസം കൂട്ടും. ഇന്ത്യയില്‍ നാവിക അറ്റകുറ്റപ്പണികളും നിര്‍മാണപദ്ധതികളും ശക്തിപ്പെടുത്തും. നിര്‍ണായക ധാതുവിതരണ ശൃംഖലകളില്‍ അടിയന്തരമായി പ്രതിരോധശേഷി വളര്‍ത്തിയെടുക്കേണ്ടതുണ്ടെന്നും അവര്‍ വിശദീകരിച്ചു.
നിര്‍മിതബുദ്ധി, ക്വാണ്ടം സാങ്കേതികവിദ്യ, ബയോടെക്‌നോളജി എന്നിവയില്‍ പുതുതലമുറ പരിഹാരങ്ങള്‍ വികസിപ്പിക്കാന്‍ ഇന്ത്യക്കും ജപ്പാനും കഴിയുമെന്ന് പ്രധാനമന്ത്രി മോദി പറഞ്ഞു. ജപ്പാന്‍റെ സാങ്കേതികവിദ്യയും ഇന്ത്യയുടെ വിപണിസാധ്യതയും ഒരുമിച്ച് സെമികണ്ടക്‌ടറുകള്‍, ഫാര്‍മസ്യൂട്ടിക്കല്‍സ്, നിര്‍ണായക ധാതുക്കള്‍ എന്നിവയില്‍ ആഗോള വിതരണശൃംഖലകള്‍ നിര്‍മിക്കാനാകും. എയ്റോസ്പേസ്, പ്രതിരോധം എന്നിവയില്‍ വിപുല സഹകരണത്തിനു സാധ്യതകളുണ്ട്.
പൊതു-സ്വകാര്യ മേഖലകളുടെ ഏകീകൃത ശ്രമങ്ങളിലൂടെ ഇന്ത്യയും ജാപ്പനീസ് കമ്പനികളും തമ്മില്‍ 120 സഹകരണരേഖകള്‍ പ്രഖ്യാപിച്ചു. ചാണകം ഉപയോഗിച്ച് ഇന്ത്യയിലാകെ 1,000 ബയോഗ്യാസ് പ്ലാന്‍റുകള്‍ നിര്‍മിക്കും. സഹകരണ സ്ഥാപനങ്ങളുടെ സഹായത്തോടെയാകുമിത്. ജപ്പാനുമായി ചേര്‍ന്ന് ബയോഗ്യാസ് ഫോര്‍ ഗ്രോത്ത് പദ്ധതി ആരംഭിക്കുമെന്ന് പ്രധാനമന്ത്രി മോദി അറിയിച്ചു. ഇന്ത്യയുടെ പുനരുപയോഗ ഊര്‍ജ പദ്ധതികള്‍ക്ക് ജപ്പാന്‍ സഹായം നല്‍കും. പവര്‍ ഏഷ്യ സംരംഭത്തിനു കീഴില്‍ ഇന്ത്യയുടെ പെട്രോളിയം സംഭരണ സംവിധാനം ശക്തിപ്പെടുത്തുന്നതിന് ചര്‍ച്ച നടത്തുമെന്നും ഇരുരാജ്യങ്ങളും വ്യക്തമാക്കി. 17 തന്ത്രപ്രധാന മേഖലകളിലെ നിക്ഷേപങ്ങള്‍ക്കു സഹകരിക്കും.
സാമ്പത്തിക സുരക്ഷ, നിര്‍മിത ബുദ്ധി, ഊര്‍ജ പ്രതിരോധശേഷി എന്നീ മൂന്നു സുപ്രധാന രേഖകള്‍ ഉച്ചകോടിക്കുശേഷം ഇരു രാജ്യങ്ങളും അംഗീകരിച്ചു. സാമ്പത്തിക സുരക്ഷ, ശുദ്ധ ഊര്‍ജം, നിര്‍ണായക സാങ്കേതികവിദ്യകള്‍, ഗവേഷണം, വികസനം എന്നിവയുള്‍പ്പെടെ നിരവധി കരാറുകളും ധാരണാപത്രങ്ങളും ഒപ്പുവച്ചു.
രണ്ടു ട്രില്യണ്‍ യെന്‍ വിലമതിക്കുന്ന 120 സഹകരണ സംരംഭങ്ങള്‍ ഇന്ത്യയും ജപ്പാനും കണ്ടെത്തിയിട്ടുണ്ടെന്ന് ജപ്പാന്‍റെ ഡെപ്യൂട്ടി ചീഫ് കാബിനറ്റ് സെക്രട്ടറി മസാനാവോ ഒസാക്കി എക്‌സില്‍ അറിയിച്ചു.
പത്തു വര്‍ഷത്തിനുള്ളില്‍ ഇന്ത്യയില്‍ പത്തു ട്രില്യണ്‍ യെന്‍ (12.5 ബില്യണ്‍ ഡോളര്‍) നിക്ഷേപം ഉറപ്പാക്കണമെന്ന് താജ് പാലസ് ഹോട്ടലിൽ നടന്ന ഇന്ത്യ-ജപ്പാൻ സാന്പത്തിക ഫോറത്തെ അഭിസംബോധന ചെയ്യവേ പ്രധാനമന്ത്രി നരേന്ദ്ര മോദി ആവശ്യപ്പെട്ടു. ജപ്പാനെ പ്രതിനിധീകരിച്ച് 150ലധികം വ്യവസായ സംരംഭങ്ങളുടെ പ്രതിനിധികൾ സാന്പത്തികഫോറത്തിൽ പങ്കെടുത്തു.
National
ന്യൂഡല്‍ഹി: ഇന്ത്യ- ജപ്പാന്‍ ഉച്ചകോടി വിജയമായതിനു പിന്നില് മലയാളികളായ വിദേശകാര്യ സെക്രട്ടറി (വെസ്റ്റ്) സിബി ജോര്ജിന്റെയും ജപ്പാനിലെ ഇന്ത്യന് അംബാസഡര് നഗ്മ എം. മല്ലികിന്റെയും മികവ് പ്രകടം. ജപ്പാനിലെ ഇന്ത്യന് അംബാസഡറായിരിക്കേ സിബി നടത്തിയ പ്രവര്ത്തനങ്ങളുടെ തുടര്ച്ചയായിരുന്നു ജപ്പാന്‍ പ്രധാനമന്ത്രി സനേ തകായിച്ചിയുടെ ത്രിദിന സന്ദര്ശനം.
വിദേശകാര്യമന്ത്രി എസ്. ജയ്ശങ്കര്, വിദേശകാര്യ സെക്രട്ടറി വിക്രം മിസ്രി എന്നിവരും വിദേശകാര്യ വക്താവ് രണ്ധീര് ജയ്സ്വാള് അടക്കമുള്ളവരും ഉച്ചകോടി ഫലപ്രദമാക്കാന് നേതൃത്വം നല്കി.
എങ്കിലും മലയാളികളായ സിബിയുടെയും നഗ്മയുടെയും നയതന്ത്ര മികവിന് പൊന്തൂവലായി ഇന്നലത്തെ ഉച്ചകോടി. സിബി അംബാസഡറായിരിക്കേ കഴിഞ്ഞ വര്‍ഷം ഓഗസ്റ്റില് പ്രധാനമന്ത്രി മോദി ടോക്കിയോയിലും 2022ലും 2023ലും അന്നത്തെ ജപ്പാന്‍ പ്രധാനമന്ത്രി ഫുമിയോ കിഷിദ ന്യൂഡല്ഹിയിലും നടത്തിയ സന്ദര്ശനങ്ങളും ഇന്ത്യക്കു നേട്ടമായിരുന്നു.
ബുധനാഴ്ച ഡല്ഹിയിലെത്തിയ ജപ്പാന്‍ പ്രധാനമന്ത്രി സനേ തകായിച്ചിക്ക് ഇന്നലെ രാഷ്ട്രപതി ഭവനില് രാഷ്ട്രപതി ദ്രൗപദി മുര്മുവും പ്രധാനമന്ത്രി നരേന്ദ്ര മോദിയും ചേര്‍ന്ന് ആചാരപരമായ സ്വീകരണം നൽകി. തുടര്ന്നായിരുന്നു ഹൈദരാബാദ് ഹൗസില് ഇരുനേതാക്കളും തമ്മിലുള്ള ഔദ്യോഗിക ചര്ച്ചയും കരാര് ഒപ്പിടലും. വൈകുന്നേരം താജ് പാലസ് ഹോട്ടലില് 13-ാമത് വാര്ഷിക ഇന്ത്യ-ജപ്പാന്‍ ബിസിനസ് ഫോറത്തില് മോദിയും തകായിച്ചിയും പ്രസംഗിച്ചു.
ഫോറത്തിലെ പ്രദര്‍ശനവും ഇരുവരും വീക്ഷിച്ചു. ജപ്പാന്‍ പ്രധാനമന്ത്രി ഇന്നു രാവിലെ ടോക്കിയോയിലേക്കു മടങ്ങും.
Business
കൊച്ചി: കേരളത്തിലെ എംഎസ്എംഇ സംരംഭകര്ക്കായി 11എക്‌സ് കമ്പനി സംഘടിപ്പിക്കുന്ന 11എക്‌സ് കേരളം ബിസിനസ് സമ്മിറ്റ് നാളെ നെടുമ്പാശേരി സിയാല് എക്സിബിഷന് സെന്ററില് നടക്കും.
കേരളത്തില് 1,000 കോടി വിറ്റുവരവുള്ള 111 മലയാളി സംരംഭകരെ സൃഷ്ടിക്കുകയാണു ലക്ഷ്യം. 200 ലധികം സ്ഥാപനങ്ങളാണ് ഇതിനകം ബിസിനസ് സമ്മിറ്റിലൂടെ നേട്ടങ്ങള് കൈവരിച്ചിട്ടുള്ളതെന്നും 11എക്‌സ് സിഇഒ അരുണ് വിക്രം പത്രസമ്മേളനത്തില് പറഞ്ഞു.
ത്രിദിന ഓണ്ലൈന് പരിശീലനത്തിനു ശേഷമാണ് ബിസിനസ് സമ്മിറ്റില് പങ്കെടുക്കാനുള്ള 250ലേറെ എംഎസ്എംഇകളെ തെരഞ്ഞെടുക്കുക.
International
കാഠ്മണ്ഡു: എവറസ്റ്റ് കീഴടക്കി മടങ്ങവേ രണ്ട് ഇന്ത്യന് പര്വതാരോഹകര് മരിച്ചതായി റിപ്പോര്ട്ട്. അരുണ് കുമാര് തിവാരി, സന്ദീപ് ആരെ എന്നിവരാണ് ദുരന്തത്തില് മരിച്ചത്.
കൊടുമുടി കീഴടക്കി തിരികെ ഇറങ്ങുന്നതിനിടെ ആരോഗ്യ പ്രശ്നങ്ങളുണ്ടായി എന്നാണ് റിപ്പോർട്ട്. തളര്ന്നുവീണ ഇരുവരെയും രക്ഷിക്കാന് ശ്രമിച്ചെങ്കിലും സാധിച്ചില്ല.
നേപ്പാളിലെ എക്സ്പെഡിഷന് ഓപറേറ്റേഴ്സ് അസോസിയേഷന് ജനറല് സെക്രട്ടറി ഋഷി ഭണ്ഡാരി പങ്കുവച്ച വിവരമനുസരിച്ച്, സന്ദീപ് ആരെ ബുധനാഴ്ചയും അരുണ് കുമാര് തിവാരി വ്യാഴാഴ്ച വൈകിട്ടുമാണ് എവറസ്റ്റിന്റെ മുകളിലെത്തിയത്.
എന്നാല് മടങ്ങും വഴിയില് ആരോഗ്യപ്രശ്നങ്ങളും അതിശക്തമായ കാലാവസ്ഥയും തിരിച്ചടിയാവുകയായിരുന്നു. ഇരുവരെയും രക്ഷിക്കാന് പ്രത്യേക ഷെര്പ ഗൈഡുകള് പരിശ്രമിച്ചെങ്കിലും വിഫലമായെന്ന് ഭണ്ഡാരി പ്രതികരിച്ചു. സന്ദീപ് ആരെ വ്യാഴാഴ്ച മരണപ്പെട്ടതായും, തിവാരിയുടെ മരണസമയം വ്യക്തമല്ലെന്നും റിപ്പോര്ട്ടുകള് പറയുന്നു.
എവറസ്റ്റില്‍ തിരക്ക് വര്ധിച്ചതും അപകടസാധ്യത ഉയര്ത്തിയതായി അന്താരാഷ്ട്ര റിപ്പോര്ട്ടുകള് പറയുന്നു. ഡെത്ത് സോണ് എന്നറിയപ്പെടുന്ന ഏറ്റവും ഉയരമുള്ള മേഖലയിലെ ഓക്സിജന് കുറവും കടുത്ത തണുപ്പുമാണ് പ്രധാന വെല്ലുവിളി.
ബുധനാഴ്ച, 8,848.86 മീറ്റര് ഉയരമുള്ള കൊടുമുടി കീഴടക്കിയ 274 പര്വതാരോഹകരില് സന്ദീപ് ആരെ ഉള്പ്പെടെ മൂന്ന് ഇന്ത്യക്കാരും ഉള്പ്പെട്ടിട്ടുണ്ട്. ഇതുവരെ രേഖപ്പെടുത്തിയിട്ടുള്ളതില് വച്ച് ഒരേ ദിവസം ഏറ്റവും കൂടുതല്‍ പേര് എവറസ്റ്റ് കീഴടക്കുകയെന്ന പുതിയ റെക്കോര്ഡായിരുന്നു ഇത്.
International
മോസ്കോ: ഡൽഹിയിൽ നടക്കുന്ന ബ്രിക്സ് ഉച്ചകോടിയിൽ പങ്കെടുക്കാൻ റഷ്യൻ പ്രസിഡന്‍റ് വ്ളോഡിമിർ പുടിൻ സെപ്റ്റംബറിൽ ഇന്ത്യയിലെത്തും. ദക്ഷിണാഫ്രിക്കയിലെ റഷ്യൻ എംബസിയാണ് പുടിന്റെ ഇന്ത്യാ സന്ദർശനം സംബന്ധിച്ച് സ്ഥിരീകരണം നൽകിയത്. കഴിഞ്ഞ വർഷം ഡിസംബറിൽ ഡൽഹിയിൽ നടന്ന ഇന്ത്യ - റഷ്യ വാർഷിക ഉച്ചകോടിയിലും പുടിൻ പങ്കെടുത്തിരുന്നു. ഇതോടെ ഒരുവർഷത്തിനിടെ ഇത് രണ്ടാം തവണയാണ് പുടിൻ ഇന്ത്യ സന്ദർശിക്കുന്നത്.
സെപ്റ്റംബർ 12നും 13നുമാണ് ബ്രിക്സ് ഉച്ചകോടിക്ക് ഇന്ത്യ ആതിഥേയത്വം വഹിക്കുക. ഉച്ചകോടിയിൽ പുടിൻ പങ്കെടുക്കുമെന്ന് റഷ്യൻ ഭരണകൂടത്തിന്റെ വാർത്താ ഏജൻസിയും റിപ്പോർട്ട് ചെയ്തു. അതേസമയം പുടിന്റെ സന്ദർശനത്തിനിടെ നടക്കുന്ന ഉഭയകക്ഷി കൂടിക്കാഴ്ചകളെക്കുറിച്ചുള്ള വിവരങ്ങൾ പുറത്തുവന്നിട്ടില്ല.
ബ്രസീൽ, റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ രാജ്യങ്ങളുടെ കൂട്ടായ്മയാണ് ബ്രിക്സ് (BRICS). 2024ൽ ഈജിപ്തും എത്തിയോപ്യയും ഇറാനും 2025ൽ യുഎഇയും ഇന്തോനേഷ്യയും ബ്രിക്സിന്റെ ഭാഗമായിരുന്നു.
International
ജിദ്ദ: രണ്ട് മാസം മുൻപ് ആരംഭിച്ച ഇറാൻ യുദ്ധത്തിന് ശേഷം ആദ്യമായി ഗൾഫ് രാജ്യങ്ങളിലെ ഭരണാധികാരികൾ നേരിട്ട് പങ്കെടുക്കുന്ന അസാധാരണ ഉച്ചകോടിക്ക് ജിദ്ദയിൽ തുടക്കമായി. സൗദി കിരീടാവകാശി മുഹമ്മദ് ബിൻ സൽമാന്റെ അധ്യക്ഷതയിൽ ചേരുന്ന ഈ യോഗം, മേഖല നേരിടുന്ന ചരിത്രപരമായ സുരക്ഷാ-സാമ്പത്തിക വെല്ലുവിളികൾ ചർച്ച ചെയ്യും.
ഫെബ്രുവരി 28ന് യുഎസ്-ഇസ്രയേൽ സഖ്യം ഇറാനെതിരെ ആക്രമണം തുടങ്ങിയതു മുതൽ ഗൾഫ് രാജ്യങ്ങൾ നേരിട്ട ആയിരക്കണക്കിന് മിസൈൽ-ഡ്രോൺ ആക്രമണങ്ങൾക്ക് കൃത്യമായ മറുപടി നൽകുക എന്നതാണ് ഉച്ചകോടിയുടെ പ്രധാന ലക്ഷ്യം. നിലവിൽ ഏപ്രിൽ എട്ട് മുതൽ വെടിനിർത്തൽ നിലവിലുണ്ടെങ്കിലും ശാശ്വത സമാധാനം ഉണ്ടാകാത്തത് ആശങ്ക വർധിപ്പിക്കുന്നു.
ആഗോള എണ്ണവിപണിയെ ഞെട്ടിച്ചുകൊണ്ട് ഒപെക്കിൽ നിന്ന് പിന്മാറാൻ തീരുമാനിച്ചതിന് പിന്നാലെ ജിസിസി കൂട്ടായ്മയ്ക്കെതിരെയും യുഎഇ രംഗത്തെത്തിയിരുന്നു. യുദ്ധത്തിൽ ആറ് ജിസിസി രാജ്യങ്ങളിലെയും പ്രധാന എണ്ണ അടിസ്ഥാന സൗകര്യങ്ങൾക്ക് കേടുപാടുകൾ സംഭവിച്ചിട്ടുണ്ട്. യുഎഇയുടെ ഒപെക് വിടാനുള്ള തീരുമാനം കൂടിയായപ്പോൾ ലോകം കടുത്ത ഇന്ധനക്ഷാമത്തിലേക്കും വിലക്കയറ്റത്തിലേക്കും നീങ്ങുകയാണ്.
Business
കൊച്ചി: കാര്ഷികമേഖലയിലെ സ്റ്റാര്ട്ടപ്പുകളുടെ അത്യാധുനിക ഉത്പന്നങ്ങളും പുത്തന് സേവനങ്ങളും പ്രദര്ശിപ്പിച്ച അഗ്രിനെക്സ്റ്റ് ഉച്ചകോടി 2026 ശ്രദ്ധേയമായി.
കര്ഷകര് നേരിടുന്ന വെല്ലുവിളികള് പരിഹരിക്കുക ലക്ഷ്യമിട്ടു കേരള സ്റ്റാര്ട്ടപ്പ് മിഷന് (കെഎസ്യുഎം), കൃഷി വകുപ്പ്, ലോക ബാങ്ക് എന്നിവ സംയുക്തമായി കളമശേരി സ്റ്റാര്ട്ടപ്പ് മിഷന് കാമ്പസിലാണു പരിപാടി സംഘടിപ്പിച്ചത്.
സാങ്കേതികവിദ്യ വയലിലേക്ക്, മാറ്റം വിളവിലേക്ക് പ്രമേയത്തില് നടന്ന പരിപാടിയില് 150ലധികം തെരഞ്ഞെടുത്ത അഗ്രിസ്റ്റാര്ട്ടപ്പുകളുടെ സേവനങ്ങളും ഉത്പന്നങ്ങളും പ്രദര്ശിപ്പിച്ചു. പരീക്ഷണശാലകളിലും സ്റ്റാര്ട്ടപ്പുകളിലും മാത്രം ഒതുങ്ങിനില്ക്കുന്ന നൂതന സാങ്കേതികവിദ്യകള്‍ കൃഷിയിടത്തിലേക്കു നേരിട്ട് എത്തിക്കാനും സ്റ്റാര്ട്ടപ്പുകള്ക്ക് ബിസിനസ് വ്യാപിപ്പിക്കാനും പരിപാടി സഹായകമാകും.
വയനാട്ടിലെ സ്റ്റാര്ട്ടപ്പ് വികസിപ്പിച്ചെടുത്ത വാക്വം ഫ്രൈഡ് ചക്ക ചിപ്സ്, നഴ്സറികള്ക്കായുള്ള റോബോട്ടിക് ഗ്രാഫ്റ്റിംഗ് മെഷീന് പ്രോട്ടോടൈപ്പ്, എഐ നിയന്ത്രിത റോബോട്ടിക് വിള നിരീക്ഷണ സംവിധാനങ്ങള്, തുകലിനു ബദലായി വികസിപ്പിച്ച വാഴനാരില് നിര്മിച്ച ബാഗും ഷൂസും വരെ പുത്തന് സാങ്കേതിക വിദ്യാധിഷ്ഠിത ഉത്പന്നങ്ങളാണ്.
ശ്രദ്ധേയമായി തെങ്ങുകയറ്റ റോബോട്ട്
ആള്ട്ടര്സേജ് സ്റ്റാര്ട്ടപ്പ് വികസിപ്പിച്ചെടുത്ത കൊക്കോബോട്ട് എന്ന തെങ്ങുകയറ്റ റോബോട്ട് പ്രദര്ശനത്തിലെ ആകര്ഷണമായി. റോബോട്ട് ആറു മാസത്തിനുള്ളില് വിപണിയിലെത്തും.
വാണിജ്യപരമായി ലാഭകരമായ ലോകത്തിലെ ആദ്യത്തെ തെങ്ങുകയറ്റ റോബോട്ടാണിതെന്ന് ആള്ട്ടര്സേജ് സിടിഒ ഗോകുല് കൃഷ്ണന് പറഞ്ഞു.
കുരങ്ങ്, കാട്ടുപന്നി തുടങ്ങിയ വന്യമൃഗങ്ങളെ കൃഷിയിടങ്ങളില്നിന്ന് അകറ്റി നിര്ത്തുന്നതിനുള്ള നൂതന വന്യജീവി പ്രതിരോധ സാങ്കേതികവിദ്യകള്‍, കര്ഷകരുടെ ദൈനംദിന പ്രവര്ത്തനങ്ങളെ പിന്തുണയ്ക്കുന്നതിനുള്ള ഡിജിറ്റല് പ്ലാറ്റ്ഫോമുകള്, സ്മാര്ട്ട് ആപ്ലിക്കേഷനുകള്, കാലാവസ്ഥാ പ്രവചനത്തിനുള്ള ഉപകരണങ്ങള്, എഐ നിയന്ത്രിത വിള നിരീക്ഷണ സംവിധാനങ്ങള്, കീടബാധിത സസ്യങ്ങളെ മാത്രം ലക്ഷ്യമിടുന്ന കീടനാശിനി സ്പ്രേയിംഗ് സംവിധാനങ്ങള് തുടങ്ങിയവയും പ്രദര്ശിപ്പിച്ചു.
National
ന്യൂഡൽഹി: 2026 ലെ ഇന്ത്യ എഐ ഇംപാക്ട് ഉച്ചകോടിയിൽ അപ്രതീക്ഷിത പ്രതിഷേധവുമായി യൂത്ത് കോൺഗ്രസ് പ്രവർത്തകർ. ഡൽഹിയിൽ നടക്കുന്ന എഐ ഉച്ചകോടി വേദിയിലെ ഹാളിലേക്ക് ഇരച്ചുകയറിയ പ്രവർത്തകർ, ഷർഷ് അഴിച്ച്‌ മുദ്രാവാക്യം വിളിച്ച് പ്രതിഷേധിച്ചു.
ഇന്ത്യ-യുഎസ് വ്യാപാരക്കരാറിനെതിരെയാണ് യൂത്ത് കോൺഗ്രസ് പ്രതിഷേധിച്ചത്. എഐ സാങ്കേതിക വിദ്യയിലെ വിപ്ലവകരമായ മാറ്റങ്ങളെക്കുറിച്ച് പ്രമുഖ കമ്പനികളുടെ സിഇഒമാര് സംസാരിക്കുന്നതിനിടെയാണ് യൂത്ത് കോണ്ഗ്രസിന്റെ പ്രതിഷേധമുയര്ന്നത്.
വ്യാപാര കരാറിനെതിരെ മുദ്രാവാക്യം വിളികളോടെ എത്തിയ യൂത്ത് കോണ്ഗ്രസ് പ്രവര്ത്തകര്ഷര്ട്ടുകള് ഊരിമാറ്റി പ്രതിഷേധം രേഖപ്പെടുത്തുകയായിരുന്നു. ഉച്ചകോടി നടക്കുന്ന സ്ഥലത്തെ എക്സിബിഷന് ഹാളിലേക്ക് അതിക്രമിച്ച് കയറിയ പത്തോളം യൂത്ത് കോണ്ഗ്രസ് പ്രവര്ത്തകര് നരേന്ദ്രമോദിക്കെതിരെ മുദ്രാവാക്യം വിളിച്ചു.
മോദിയുടെയും അമേരിക്കന് പ്രസിഡന്‍റ് ഡോണള്ഡ് ട്രംപിന്റെയും ചിത്രങ്ങളും 'ഇന്ത്യ-യുഎസ് വ്യാപാര കരാര്', എപ്സ്റ്റീന് ഫയല്സ് എന്നീ പേരുകള് പതിച്ച വെളള ടീ ഷര്ട്ടുകളും പ്രതിഷേധക്കാര് ഉയര്ത്തി.
പ്രതിഷേധ മുദ്രാവാക്യങ്ങള് ഉച്ചത്തിലായതോടെ സുരക്ഷാ ഉദ്യോഗസ്ഥര് ബലമായി പ്രതിഷേധക്കാരെ നീക്കം ചെയ്യുകയായിരുന്നു. ഇവരെ തിലക് മാര്ഗ് പൊലീസ് സ്റ്റേഷനിലേക്ക് മാറ്റി.
പ്രതിഷേധക്കാരിൽ നാല് പേരെ കസ്റ്റഡിയിലെടുത്തതായി വൃത്തങ്ങൾ അറിയിച്ചു. യൂത്ത് കോൺഗ്രസ് ദേശീയ സെക്രട്ടറി കൃഷ്ണ ഹരി, ബിഹാർ യൂത്ത് കോൺഗ്രസ് സംസ്ഥാന സെക്രട്ടറി കുന്ദൻ യാദവ്, യുപി യൂത്ത് കോൺഗ്രസ് വൈസ് പ്രസിഡന്‍റ് അജയ് കുമാർ, യൂത്ത് കോൺഗ്രസ് ദേശീയ കോർഡിനേറ്റർ നരസിംഹ യാദവ് എന്നിവരാണ് അറസ്റ്റിലായത്.
യുഎസുമായി ഒപ്പുവച്ച പുതിയ വ്യാപാര കരാറിൽ ഇന്ത്യക്ക് ന്യായമായ നേട്ടങ്ങൾ ലഭിച്ചില്ലെന്ന് പ്രതിപക്ഷം നേരത്തെ ആരോപിച്ചിരുന്നു.
National
ന്യൂഡൽഹി: ഇന്ത്യ എഐ (നിർമിത ബുദ്ധി) ഇംപാക്ട് ഉച്ചകോടിയുടെ ഉദ്ഘാടനദിവസത്തിലുണ്ടായ മോഷണം, അനിയന്ത്രിത ജനത്തിരക്ക്, വാർത്താവിനിമയ പ്രശ്നങ്ങൾ അടക്കം വിദേശപ്രതിനിധികൾ നേരിട്ട ദുരിതത്തിന് കേന്ദ്രസർക്കാർ മാപ്പ് പറഞ്ഞു.
ഉച്ചകോടിയിൽ പങ്കെടുത്തവർ നേരിട്ട പ്രശ്നങ്ങൾക്കു ക്ഷമാപണം നടത്തുന്നതായും വരുംദിവസങ്ങളിൽ സുഗമമായ അനുഭവം വാഗ്ദാനം ചെയ്യുന്നതായും കേന്ദ്രമന്ത്രി അശ്വിനി വൈഷ്ണവ് പറഞ്ഞു.
ഉച്ചകോടിയിൽ 70,000ത്തിലധികം ആളുകൾ പങ്കെടുത്തതുമൂലമാണ് ചില പ്രയാസങ്ങൾ നേരിട്ടതെന്ന് മന്ത്രി വിശദീകരിച്ചു. ലോകത്തിലെ ഏറ്റവും വലിയ എഐ ഉച്ചകോടിയാണിത്. പ്രതികരണം അസാധാരണമായിരുന്നു. ഊർജം സ്പഷ്ടമാണ്. ഇപ്പോഴെല്ലാം വളരെ സുഗമമാണ്. തിങ്കളാഴ്ച ആർക്കെങ്കിലും എന്തെങ്കിലും പ്രശ്നങ്ങൾ നേരിട്ടിട്ടുണ്ടെങ്കിൽ, അതിനു ക്ഷമ ചോദിക്കുന്നു- ഭാരത് മണ്ഡപത്തിൽ നടത്തിയ പത്രസമ്മേളനത്തിൽ മന്ത്രി പറഞ്ഞു.
ലോകത്തിലെ ഏറ്റവും വലിയ എഐ ഉച്ചകോടിയെന്ന് കൊട്ടിഘോഷിച്ചു നടത്തിയ പരിപാടിയുടെ ഹാളുകളിലേക്ക് വലിയ ജനക്കൂട്ടം ഇരച്ചുകയറിയതോടെ ആകെ തകിടം മറിഞ്ഞു. എവിടെയും നീണ്ട ക്യൂകളും തിക്കും തിരക്കുമായിരുന്നു. മൊബൈൽ ഡാറ്റ കണക്ടിവിറ്റിയും പ്രശ്നമായി. പ്രമുഖരുടെയും സ്ത്രീകളുടെയും ആഭരണങ്ങളും വിലപ്പെട്ട രേഖകളും മോഷ്ടിക്കപ്പെട്ടതായും പരാതിയുണ്ട്. പ്രതിനിധികൾക്കു കൃത്യമായ നിർദേശം പോലുമില്ലായിരുന്നത് പ്രശ്നം വഷളാക്കിയെന്നു സമ്മേളനത്തിനെത്തിയവർ പരാതിപ്പെട്ടു.
വിമാനയാത്ര, താമസം, ലോജിസ്റ്റിക്സ്, ബൂത്ത് എന്നിവയ്ക്കെല്ലാം പണം നൽകിയവരോടു സുരക്ഷയുടെ പേരിൽ കാട്ടിയത് അതിക്രമങ്ങളാണെന്ന് ഇന്ത്യയിലെ ആദ്യ പേറ്റന്റ് നേടിയ എഐ വെയറബിൾ കന്പനിയായ നിയോ സാപിയൻ സിഇഒ ധനഞ്ജയ് യാദവ് പറഞ്ഞു.
തന്റെ ഉപകരണങ്ങൾ പലതും മോഷ്ടിക്കപ്പെട്ടതായി അദ്ദേഹം അറിയിച്ചു. സ്വന്തം നിർമാതാക്കളെ മാറ്റിനിർത്തുന്ന എഐ ഉച്ചകോടിയാണെന്ന് റെസ്കില്ലിന്റെ സ്ഥാപകനായ പുനിത് ജെയിൻ പറഞ്ഞു.
Kerala
കൊച്ചി: കടല്‍പ്പായല്‍ വ്യവസായ മേഖലയിലെ ഏറ്റവും വലിയ സംഗമങ്ങളിലൊന്നായ ഏഴാമത് ഇന്ത്യ ഇന്റര്നാഷണല് കടല്‍പ്പായല്‍ ഉച്ചകോടിയും പ്രദര്‍ശനവും നാളെ ആരംഭിക്കും.
കേന്ദ്ര സമുദ്രമത്സ്യ ഗവേഷണ സ്ഥാപനത്തില് (സിഎംഎഫ്ആര്ഐ) രാവിലെ 9.30ന് കേന്ദ്ര സഹമന്ത്രി ജോര്ജ് കുര്യന് ഉദ്ഘാടനം ചെയ്യും.
അമേരിക്ക, റഷ്യ, ഓസ്ട്രേലിയ, ഫ്രാന്സ്, സ്കോട്ലന്ഡ്, അയര്ലന്ഡ്, മാലിദ്വീപ്, ഇന്തോനേഷ്യ, ശ്രീലങ്ക, ടാന്സാനിയ തുടങ്ങിയ രാജ്യങ്ങളില്നിന്നുള്ള പ്രതിനിധികള് രണ്ടു ദിവസത്തെ ഉച്ചകോടിയില്‍ പങ്കെടുക്കും.
കടല്പായലിന്റെ സാമ്പത്തിക, പോഷകാഹാര, പാരിസ്ഥിതിക സാധ്യതകള് പര്യവേക്ഷണം ചെയ്യാനായി നയതന്ത്രജ്ഞര്, ശാസ്ത്രജ്ഞര്, നിക്ഷേപകര്, സംരംഭകര് എന്നിവരാണു സമ്മേളനത്തില് പങ്കെടുക്കുക.
Business
കൊച്ചി: ജെയിൻ യൂണിവേഴ്സിറ്റി ആതിഥേയത്വം വഹിക്കുന്ന സമ്മിറ്റ് ഓഫ് ഫ്യൂച്ചർ രണ്ടാം പതിപ്പിന് ഇന്ന് തിരിതെളിയും. വൈകുന്നേരം 5.30 ന് കാക്കനാട് കിൻഫ്ര ഇന്റർനാഷണൽ കൺവൻഷൻ സെന്ററിൽ നടക്കുന്ന ചടങ്ങിൽ കൊച്ചി മേയർ വി.കെ. മിനിമോൾ ഉദ്ഘാടനം നിർവഹിക്കും.
ജെയിൻ യൂണിവേഴ്സിറ്റി ചാൻസലർ ഡോ. ചെൻരാജ് റോയ്ചന്ദ് അധ്യക്ഷത വഹിക്കും. ജെയിൻ ആക്സിലറേറ്ററിന്റെ ഔദ്യോഗിക പ്രഖ്യാപനവും അദ്ദേഹം നടത്തും.
ജില്ലാ കളക്ടർ ജി. പ്രിയങ്ക, ഇൻഫോപാർക്ക് സിഇഒ സുശാന്ത് കുരുന്തിൽ എന്നിവർ വിശിഷ്ടാതിഥികളാകും. ഫ്യൂച്ചർ കേരള മിഷൻ ചീഫ് ഫെസിലിറ്റേറ്ററും ജെയിൻ യൂണിവേഴ്സിറ്റി ഡയറക്ടറുമായ ഡോ. ടോം ജോസഫ്, ഫ്യൂച്ചർ കേരള മിഷൻ ചെയർമാൻ വേണു രാജാമണി, തൃക്കാക്കര നഗരസഭാ ചെയർമാൻ റാഷിദ് ഉള്ളമ്പിള്ളി, കിൻഫ്ര ഡയറക്ടർ സാബു ജോർജ്, പ്രോ വൈസ് ചാൻസലർ ഡോ. ജെ. ലത എന്നിവർ പങ്കെടുക്കും.
ഫെബ്രുവരി ഒന്നുവരെയാണ് സമ്മിറ്റ് ഓഫ് ഫ്യൂച്ചർ നടക്കുക. സമ്മിറ്റിന്റെ പ്രധാന രണ്ട് വേദികളായ ആൽഫ, ബീറ്റ എന്നിവ കിൻഫ്ര കൺവെൻഷൻ സെന്ററിലാണ് സജ്ജമാക്കിയിരിക്കുന്നത്. കൂടാതെ, ജെയിൻ യൂണിവേഴ്സിറ്റി കാമ്പസിലും ചർച്ചകളും ഫെസ്റ്റിവൽ വില്ലേജും ഉണ്ടാകും.
Business
കൊച്ചി: സമ്മിറ്റ് ഓഫ് ഫ്യൂച്ചറിന്റെ രണ്ടാം പതിപ്പിന് 28ന് വൈകുന്നേരം കൊച്ചിയിൽ തിരിതെളിയും. കൊച്ചി ജെയിൻ യൂണിവേഴ്സിറ്റി കാമ്പസിൽ നടക്കുന്ന ഈ വിജ്ഞാന-വിനോദ ഉച്ചകോടിയുടെ ഒരുക്കങ്ങളെല്ലാം പൂർത്തിയായതായി സംഘാടകർ അറിയിച്ചു.
ഫെബ്രുവരി ഒന്നുവരെ നാലു ദിവസങ്ങളിലായി നടക്കുന്ന ഉച്ചകോടിയുടെ പ്രധാനമായ രണ്ടു വേദികൾ കിൻഫ്ര കൺവൻഷൻ സെന്ററിലാണ്. ഐക്യരാഷ്ട്രസഭയുടെ പാക്ട് ഫോർ ദ ഫ്യൂച്ചർ എന്ന ആശയത്തെ അടിസ്ഥാനമാക്കി സംഘടിപ്പിക്കുന്ന ഈ സംഗമത്തിൽ രണ്ടു ലക്ഷത്തിലധികം പേർ പങ്കെടുക്കുമെന്നാണ് പ്രതീക്ഷിക്കുന്നത്.
വിദ്യാഭ്യാസം, സാങ്കേതികവിദ്യ, സംരംഭകത്വം, എർത്ത്, പരിസ്ഥിതി, ഭക്ഷണം, സംസ്കാരം എന്നിങ്ങനെ ഏഴു വ്യത്യസ്ത മേഖലകളിലായി നാനൂറിലധികം അന്താരാഷ്ട്ര വിദഗ്ധർ സംവദിക്കും.
നാനൂറിലധികം വിദഗ്ധർ, ഇരുനൂറിലധികം സെഷനുകൾ, അമ്പതിലധികം മാസ്റ്റർ ക്ലാസുകളും വർക് ഷോപ്പുകളും ഉച്ചകോടിയുടെ ഭാഗമായി നടക്കുമെന്ന് അധികൃതർ അറിയിച്ചു.
Kerala
തിരുവനന്തപുരം: അര്ബുദ പ്രതിരോധ രംഗത്തെ ആഗോള മുന്നേറ്റങ്ങളും അത്യാധുനിക ഗവേഷണങ്ങളും ചര്‍ച്ച ചെയ്യുന്നതിനായി സംഘടിപ്പിക്കുന്ന ഗ്ലോബല് പ്രിവന്റീവ് ഓങ്കോ സമിറ്റ് ഇന്നും നാളെയും മറ്റന്നാളുമായി വഴുതക്കാട് ഹയാത്ത് റീജന്സിയില് നടക്കും.
ലോകമെമ്പാടുമുള്ള പ്രമുഖ അര്ബുദ രോഗ വിദഗ്ധര്, ഗവേഷകര്, നയരൂപീകരണ വിദഗ്ധര് എന്നിവര് പങ്കെടുക്കുന്ന ഈ ഉച്ചകോടി, അര്ബുദ പ്രതിരോധ പ്രവര്ത്തനങ്ങള് ശക്തിപ്പെടുത്തുന്നതിനും രോഗം നേരത്തേ കണ്ടെത്താനുള്ള ശാസ്ത്രീയ രീതികള് പ്രചരിപ്പിക്കുന്നതിനുമുള്ള വേദിയായി മാറും.
സ്വസ്തി ഫൗണ്ടേഷനും ഹാന്സ് ഫൗണ്ടേഷന് ലൈഫും ചേര്ന്നാണ് ഈ ത്രിദിന ഉച്ചകോടി സംഘടിപ്പിക്കുന്നതെന്ന് ചീഫ് പ്രോഗ്രാം കോ-ഓര്ഡിനേറ്റര് ഫ്ലമി ഏബ്രഹാം അറിയിച്ചു.
കേരളത്തിലെയും മറ്റ് വിദേശ രാജ്യങ്ങളിലെയും മികച്ച പ്രതിരോധ മാതൃകകളെക്കുറിച്ചുള്ള ചര്ച്ചകളും സമ്മേളനത്തിന്‍റെ ഭാഗമായി നടക്കും. അര്ബുദരഹിതമായ ഒരു ഭാവി ലക്ഷ്യമിട്ടുള്ള ഈ അന്താരാഷ്ട്ര കൂട്ടായ്മയില് അര്ബുദ പ്രതിരോധ രംഗത്തെ വിപുലമായ ആശയവിനിമയങ്ങള്ക്കും സഹകരണങ്ങള്ക്കും വേദിയൊരുങ്ങുമെന്ന് സംഘാടക സമിതി അറിയിച്ചു.
Leader Page
ബ്രസീലിലെ ബെലേമിൽ മുപ്പതാമത് കാലാവസ്ഥാ ഉച്ചകോടി (സിഒപി 30) തുടങ്ങുന്നതിനുമുമ്പ് നവംബർ 17ന്, കാലാവസ്ഥാ വ്യതിയാനം നേരിടുന്നതിന് ശക്തമായ നടപടികൾ സ്വീകരിക്കാൻ ലെയോ പതിനാലാമൻ മാർപാപ്പ വീഡിയോ സന്ദേശത്തിലൂടെ ലോകരാജ്യങ്ങളെ ആഹ്വാനം ചെയ്തിരുന്നു. കാലാവസ്ഥാ വ്യതിയാനം തടയുന്നതിൽ മനുഷ്യരാശി പരാജയപ്പെടുകയാണെന്നും പ്രളയം, വരൾച്ച, കൊടുങ്കാറ്റുകൾ, അസഹ്യമായ കൊടുംചൂട് എന്നിവ "ദൈവത്തിന്‍റെ സൃഷ്‌ടികൾ’ നിലവിളിക്കുന്നതിന്‍റെ സൂചനകളാണെന്നും മാർപാപ്പ വ്യക്തമാക്കി.
ആമസോൺ കവാടത്തിലുള്ള ബെലേമിൽ സമ്മേളനത്തിന്‍റെ ഉദ്ഘാടന ദിവസങ്ങളെ പേമാരിയും വെള്ളപ്പൊക്കവും തടസപ്പെടുത്തി. കുറച്ചു ദിവസത്തിനുശേഷം സമ്മേളനവേദിക്ക് തീപിടിച്ച് പ്രതിനിധികളെ ഒഴിപ്പിക്കേണ്ടി വന്നപ്പോൾ മാർപാപ്പയുടെ സന്ദേശം പ്രവചനാത്മകമായി മാറി.
സിഒപി 30ന്റെ സംഘാടകരായ ബ്രസീൽ സമ്മേളനത്തിൽ "മ്യൂട്ടിറോ’ എന്ന പദം ആവർത്തിച്ച് ഉപയോഗിച്ചു. കൂട്ടായ ശ്രമം എന്നാണ് ഈ വാക്കിന്‍റെ അർഥം. അവസാന രാഷ്‌ട്രീയപ്രമേയത്തെ "ഗ്ലോബൽ മ്യൂട്ടിറോ’ എന്ന് ബ്രസീൽ വിശേഷിപ്പിച്ചു. ആഗോള താപനത്തിലെ വർധന വിനാശകരമായ 1.5 ഡിഗ്രി സെൽഷസിൽ താഴെയായി പരിമിതപ്പെടുത്തുന്ന ഒരു ത്വരിത നടപടിക്രമം രൂപപ്പെടുത്താൻ ലോകരാജ്യങ്ങൾക്കു ലഭിച്ച അവസാനത്തെ അവസരമായിരുന്നു ബെലേം കാലാവസ്ഥാ ഉച്ചകോടി. അമ്പേ പരാജയപ്പെട്ട കാലാവസ്ഥാ ഉച്ചകോടിയിൽ ഇല്ലാതെപോയതും "ഗ്ലോബൽ മ്യൂട്ടിറോ’ അല്ലെങ്കിൽ ആഗോള തലത്തിലുള്ള കൂട്ടായ ശ്രമമാണ്.
ആഗോളതാപനം 1.5 ഡിഗ്രി സെൽഷസിൽ താഴെ നിലനിർത്താനുള്ള 2015ലെ പാരീസ് കരാറിന്‍റെ പത്താം വാർഷികത്തോടനുബന്ധിച്ച് നടന്ന യുഎൻ കാലാവസ്ഥാ ഉച്ചകോടി ശക്തമായ നടപടികൾ ഒന്നുമില്ലാതെയാണ് അവസാനിച്ചത്. തീരുമാനങ്ങൾ ഭാവിയിലേക്ക് മാറ്റി അനന്തമായി നീട്ടിക്കൊണ്ടുപോകുന്ന പതിവു നാടകം ആവർത്തിച്ചു. അടിയന്തര കാലാവസ്ഥാ പ്രതിരോധ പദ്ധതികൾ അടുത്ത കാലാവസ്ഥാ സമ്മേളനങ്ങളിൽ പരിഗണിക്കുന്നതിനുള്ള സമയക്രമം നിശ്ചയിച്ചു. മനുഷ്യപ്രേരിത കാരണങ്ങളാലുള്ള ആഗോളതാപനത്തിലെ വർധന 2024 ൽ 1.36 ഡിഗ്രി സെൽഷസ് കടന്നു. അന്തരീക്ഷത്തിലേക്കുള്ള ഹരിതഗൃഹ വാതകങ്ങളുടെ വിസർജനം ഇന്നത്തെ നിരക്കിൽ തുടർന്നാൽ ഈ നൂറ്റാണ്ടിന്‍റെ അവസാനത്തോടെ ആഗോള താപനിലയിൽ കുറഞ്ഞത് 2.6 ഡിഗ്രി സെൽഷസിന്‍റെ വർധനയുണ്ടാകുമെന്ന് ഐക്യരാഷ്‌ട്ര സഭ മുന്നറിയിപ്പ് നൽകുന്നു. ഇത് മനുഷ്യരാശിയുടെ നിലനിൽപ്പിന് അത്യന്തം അപകടകരമാണ്.
ബെലേം ഉച്ചകോടിയെ "സത്യത്തിന്‍റെ ഉച്ചകോടി’ എന്നാണ് ബ്രസീലിന്‍റെ പ്രസിഡന്‍റ് ലുല ഡിസിൽവ വിശേഷിപ്പിച്ചത്. എന്നാൽ, അത് ഭൂമിയെ പ്രതിസന്ധിയിലാക്കുന്ന കാലാവസ്ഥാ വ്യതിയാനം എന്ന വലിയ സത്യത്തിനുനേരെ കണ്ണടയ്ക്കുകയായിരുന്നു.
ഫോസിൽ ഇന്ധനങ്ങൾ ഘട്ടംഘട്ടമായി ഇല്ലാതാക്കൽ
ആഗോള താപനിലയിലെ വർധന 1.5 ഡിഗ്രി സെൽഷസിൽ പിടിച്ചുനിർത്താൻ ശേഷിക്കുന്ന കാർബൺ ബജറ്റ് അതിവേഗം തീർന്നുകൊണ്ടിരിക്കുകയാണ്. അവശേഷിക്കുന്ന കാർബൺ ബജറ്റ് എന്നത് ആഗോളതാപന പരിധിയായ 1.5 ഡിഗ്രി സെൽഷസിൽ കവിയാതെ പിടിച്ചു നിർത്താൻ മനുഷ്യർക്ക് ഇനിയും പുറന്തള്ളാൻ കഴിയുന്ന കാർബൺ ഡൈ ഓക്സൈഡിന്‍റെ ആകെ അളവാണ്. അത് 2030ഓടെ ഏകദേശം തീരും. അന്തരീക്ഷത്തിലേക്കുള്ള മനുഷ്യപ്രേരിത ഹരിതഗൃഹ വാതക വിസർജനത്തിന്‍റെ 70 ശതമാനത്തിനും കാരണം കൽക്കരി, ഗ്യാസ്, പെട്രോൾ, ഡീസൽ തുടങ്ങിയ ഫോസിൽ ഇന്ധനങ്ങൾ കത്തിക്കുന്നതാണ്. 2023 ൽ ദുബായിൽ നടന്ന സിഒപി28 ൽ ഇരുനൂറോളം രാജ്യങ്ങൾ ഫോസിൽ ഇന്ധനങ്ങളുടെ ഉപയോഗം ഘട്ടംഘട്ടമായി അവസാനിപ്പിക്കാനുള്ള ധാരണയിൽ എത്തിയിരുന്നു. എന്നാൽ ഇതിനുള്ള കൃത്യമായ ഒരു റോഡ് മാപ്പ് തയാറാക്കുന്നതിൽ ബെലേം സമ്മേളനം പരാജയപ്പെട്ടു.
ട്രംപ് അമേരിക്കൻ പ്രസിഡന്‍റ് പദം ഏറ്റെടുത്തതിനെത്തുടർന്ന് അമേരിക്ക പാരീസ് കാലാവസ്ഥാ ഉടമ്പടിയിൽനിന്നു പിന്മാറിയിരുന്നു. ബെലേം സമ്മേളനത്തിൽ അമേരിക്കൻ പ്രതിനിധികൾ പങ്കെടുത്തില്ല. സൗദി അറേബ്യ, റഷ്യ തുടങ്ങിയ "പെട്രോ സ്റ്റേറ്റു’കളുടെ സമ്മർദത്തെ തുടർന്ന് "ഫോസിൽ ഇന്ധനങ്ങൾ’ എന്ന വാക്കു പോലും ബെലേം സമ്മേളനത്തിന്‍റെ അന്തിമ പ്രസ്താവനയിൽ ഉൾപ്പെടുത്താൻ സാധിച്ചില്ല.
കാലാവസ്ഥാ പ്രതിരോധ ഫണ്ട്
ചരിത്രപരമായി മനുഷ്യപ്രേരിത കാരണങ്ങളാൽ അന്തരീക്ഷത്തിലേക്ക് ഏറ്റവുമധികം ഹരിതഗൃഹ വാതകങ്ങൾ പുറന്തള്ളിയത് സമ്പന്ന രാജ്യങ്ങളാണ്. എന്നാൽ ആഗോള താപനത്തിന്‍റെ ദുരിതം പേറുന്നത് പാവപ്പെട്ട രാജ്യങ്ങളും. ചരിത്രപരമായി ആഗോള താപനത്തിന്‍റെ 25 ശതമാനത്തിനും ഉത്തരവാദി പാരീസ് ഉടമ്പടിയിൽ നിന്നു പിന്മാറിയ അമേരിക്കയാണ്. കാലാവസ്ഥാ വ്യതിയാനം നേരിടുന്നതിന് വികസ്വര രാജ്യങ്ങളെ സാമ്പത്തികമായി സഹായിക്കാൻ വികസിത രാജ്യങ്ങൾക്ക് ധാർമിക ബാധ്യതയുണ്ട്. കഴിഞ്ഞ വർഷം അസർബൈജാനിലെ ബാകുവിൽ നടന്ന സിഒപി 29ൽ കാലാവസ്ഥാ ധനസഹായത്തിന് രാജ്യങ്ങൾ ഒരു പുതിയ കൂട്ടായ ക്വാണ്ടിഫൈഡ് ലക്ഷ്യം (എൻസിക്യുജി ) നിശ്ചയിച്ചിരുന്നു. 2035 ആകുമ്പോഴേക്കും വികസ്വര രാജ്യങ്ങൾക്ക് കാലാവസ്ഥാ ധനസഹായം നൽകുന്നത് പ്രതിവർഷം കുറഞ്ഞത് 1,30,000 കോടി യുഎസ് ഡോളറായി ഉയർത്തുന്നതിന് എല്ലാ രാജ്യങ്ങളും ഒരുമിച്ച് പ്രവർത്തിക്കണമെന്നായിരുന്നു ബാകുവിലെ തീരുമാനം. ഇത് ബെലേം സമ്മേളനത്തിലും ആവർത്തിച്ചിരിക്കുന്നു. പാവപ്പെട്ട രാജ്യങ്ങൾക്ക് നഷ്‌ടപരിഹാരം നൽകുന്നതിന് രണ്ട് വർഷം മുമ്പ് പ്രഖ്യാപിച്ച "ലോസ് ആൻഡ് ഡാമേജ്’ ഫണ്ട് ഉടൻ പ്രാവർത്തികമാക്കുമെന്നും ബെലേം സമ്മേളനത്തിൽ പ്രഖ്യാപനമുണ്ട്.
നീതിപൂർവകമായ പരിവർത്തനം
കാലാവസ്ഥാ വ്യതിയാനം നേരിടണമെങ്കിൽ ലോകം അതിവേഗം ഫോസിൽ ഇന്ധനങ്ങളുടെ ഉപയോഗം അവസാനിപ്പിക്കണം. ഫോസിൽ യുഗത്തിൽനിന്ന് ബദൽ ഊർജസ്രോതസുകളിൽ ഊന്നിയ ഹരിത സമ്പദ് വ്യവസ്ഥയിലേക്ക് മാറുമ്പോൾ പരിവർത്തനം നീതിപൂർവമായിരിക്കണം. എന്നാൽ നീതിപൂർവമായ ഒരു പരിവർത്തന സംവിധാനം നടപ്പാക്കുന്നതിനുള്ള സമയക്രമം, സാങ്കേതിക - സാമ്പത്തിക സഹായങ്ങൾ എന്നിവ കൃത്യമായി നിർവചിച്ചിട്ടില്ല.
ബെലേം ജെൻഡർ ആക്‌ഷൻ പ്ലാൻ
കാലാവസ്ഥാ ആഘാതങ്ങളാൽ ഏറ്റവും കൂടുതൽ കഷ്‌ടപ്പെടുന്ന സ്ത്രീകളെയും പെൺകുട്ടികളെയും കാലാവസ്ഥാ നയങ്ങളുടെ കേന്ദ്രബിന്ദുവായി പ്രതിഷ്ഠിക്കുന്നതാണ് സിഒപി 30 അംഗീകരിച്ച സുപ്രധാനമായ ജെൻഡർ ആക്‌ഷൻ പ്ലാൻ. അഞ്ച് മുൻഗണനാ മേഖലകളിൽ ലിംഗനീതി ഉറപ്പാക്കുന്നതിനുള്ള വ്യവസ്ഥകൾ നടപ്പാക്കുന്നതിന് ഒമ്പതുവർഷത്തെ ദീർഘമായ റോഡ് മാപ്പാണ് നിശ്ചയിച്ചിരിക്കുന്നത്.
വനസംരക്ഷണത്തിന് ടിഎഫ്എഫ്എഫ്
ബ്രസീലിന്‍റെ നേതൃത്വത്തിൽ നടപ്പാക്കുന്ന ട്രോപ്പിക്കൽ ഫോറസ്റ്റ്സ് ഫോറെവർ ഫെസിലിറ്റി (ടിഎഫ്എഫ്) ഉപഗ്രഹ നിരീക്ഷണ സംവിധാനം ഉപയോഗിച്ച് ഉഷ്ണമേഖലാ വനങ്ങൾ സംരക്ഷിക്കുന്ന രാജ്യങ്ങൾക്ക് പ്രതിഫലം നൽകുന്ന പെയ്മെന്‍റ് അധിഷ്ഠിത പദ്ധതിയാണ്. സംരക്ഷിക്കുന്ന ഓരോ ഹെക്‌ടർ ഉഷ്ണമേഖലാ വനത്തിനും രാജ്യങ്ങൾക്കു നേരിട്ട് പണം നൽകുന്നതിന് 12,500 കോടി ഡോളർ സമാഹരിക്കും. ബെലേം സമ്മേളനത്തിന്‍റെ പ്രധാന നേട്ടങ്ങളിലൊന്നായ ഈ നിക്ഷേപ ഫണ്ടിനുവേണ്ടി ആരംഭത്തിൽ ബ്രസീൽ 100 കോടി ഡോളർ നൽകും. ഇന്ത്യ അംഗമല്ല. നിരീക്ഷക രാജ്യമാണ്. ഉടൻതന്നെ അംഗമാകും.
ബെലേം പാക്കേജ്
ബെലേം രാഷ്‌ട്രീയ പാക്കേജിന്‍റെ ഭാഗമായി സുപ്രധാന തീരുമാനങ്ങൾ സമ്മേളനം അംഗീകരിച്ചു. ഇതിൽ ഏറ്റവും പ്രധാനം കാലാവസ്ഥാ വ്യതിയാനത്തിനെതിരായ ആഗോള മുന്നേറ്റത്തിൽ മാനവരാശിയെ ഒന്നിപ്പിക്കുക എന്ന "ആഗോള മ്യൂട്ടിറോ’ തീരുമാനമാണ്. ബെലേം പാക്കേജിന്‍റെ ഭാഗമായി കാർബൺ ബഹിർഗമനം കുറയ്ക്കുന്നതിന് ദേശീയമായി നിശ്ചയിച്ച നടപടികളും (എൻഡിസി) ആഗോള താപനിലയിലെ വർധന 1.5 ഡിഗ്രി സെൽഷസിൽ പിടിച്ചുനിറുത്തുന്നതിനുള്ള പരിപാടികളും ത്വരിതമായി നടപ്പാക്കുന്നതിന് "ഗ്ലോബൽ ഇംപ്ലിമെന്‍റേഷൻ ആക്സിലറേറ്റർ’ സ്ഥാപിക്കും. ഇതിലെ രാജ്യങ്ങളുടെ പങ്കാളിത്തം നിർബന്ധിതമല്ല. സ്വമേധയാ, സഹകരണാടിസ്ഥാനത്തിലുള്ള പങ്കാളിത്തമായതിനാൽ ഫലപ്രാപ്തിയിൽ എത്തില്ല.
ബെലോം കാലാവസ്ഥാ സമ്മേളനത്തിന്‍റെ അന്തിമ പ്രഖ്യാപനത്തിൽ ഉൾപ്പെടുത്തിയ "ആഗോള തലത്തിലുള്ള കൂട്ടായ ശ്രമം’ എന്ന പ്രയോഗംതന്നെ വലിയ കാപട്യമാണ്. ഭൂമി കാലാവസ്ഥാ വ്യതിയാനത്തിന്‍റെ അപകടകരമായ ഘട്ടത്തിലേക്ക് കടന്നിട്ടും കൂട്ടായി പ്രതിരോധിക്കുന്നതിൽ രാജ്യങ്ങൾ പരാജയപ്പെട്ടു. ആർക്കും നിയമപരമായ ബാധ്യതയില്ലാത്തതും സമയക്രമം അനന്തമായി നീട്ടിക്കൊണ്ടുപോകുന്നതുമായ പദ്ധതികളാണ് ബെലോം സമ്മേളനത്തിൽ പ്രഖ്യാപിച്ചതിൽ കുടുതലും. വിരുദ്ധ താത്പര്യങ്ങളുടെ വിപരീത ചേരികളിലാണ് രാജ്യങ്ങൾ. കാലാവസ്ഥാ നീതി വിദൂരമായി തുടരുന്നു.
National
ന്യൂഡൽഹി: ഇന്ത്യ - റഷ്യ വാർഷിക ഉച്ചകോടിയിൽ പങ്കെടുക്കുന്നതിനായി റഷ്യൻ പ്രസിഡന്‍റ് വ്ലാഡിമർ പുടിൻ ഡൽഹിയിലെത്തി. വ്യാഴാഴ്ച വൈകുന്നേരം 6.35ന് ഡൽഹിയിലെ പാലം അന്താരാഷ്ട്ര വിമാനത്താവളത്തിലെത്തിയ പുടിനെ സ്വീകരിക്കാൻ പ്രോട്ടോക്കോൾ മറികടന്ന് പ്രധാനമന്ത്രി നരേന്ദ്ര മോദി നേരിട്ടെത്തി.
ഇരുകൈകളും നീട്ടി ഹ്രസ്വമായ ആലിംഗനത്തോടെയാണ് പുടിനെ മോദി സ്വീകരിച്ചത്. ഇരുവരും ഒരേകാറില് ഒരുമിച്ചാണ് പുടിന്റെ താമസസ്ഥലത്തേക്ക് പോയത്. റഷ്യ-യുക്രെയ്ന് യുദ്ധം ആരംഭിച്ച ശേഷം നടക്കുന്ന ആദ്യ സന്ദര്ശനം കൂടിയാണിത്. പുടിനുവേണ്ടി ഇന്ന് രാത്രി പ്രധാനമന്ത്രി അത്താഴ വിരുന്ന് ഒരുക്കിയിട്ടുണ്ട്.
വെള്ളിയാഴ്ചയാണ് പുടിന്റെ ഔദ്യോഗിക പരിപാടികൾ ആരംഭിക്കുന്നത്. രാവിലെ 11 ന് രാഷ്ട്രപതി ഭവനിൽ രാഷ്ട്രപതിയുമായി കൂടിക്കാഴ്ച നടത്തും. തുടർന്ന് രാജ്ഘട്ടിൽ മഹാത്മാഗാന്ധിക്ക് ആദരാഞ്ജലി അർപ്പിച്ച ശേഷം ഹൈദരാബാദ് ഹൗസിലേക്ക് പോകും. അവിടെയായിരിക്കും പ്രധാനപ്പെട്ട ഉഭയകക്ഷി ചർച്ചകൾ നടക്കുക.
സെൻട്രൽ ബാങ്ക് ഗവർണർ എൽവിറ നബിയുള്ളിന ഉൾപ്പടെ ഒമ്പത് കാബിനറ്റ് മന്ത്രിമാരും പുടിനൊപ്പം ചർച്ചയിൽ പങ്കാളികളാകും. ഒട്ടേറെ പ്രതിരോധ, വ്യാപാര കരാറുകളിൽ ഇരുരാജ്യങ്ങളും ഒപ്പുവയ്ക്കുമെന്നാണ് പ്രതീക്ഷിക്കുന്നത്.
International
റിയോ ഡി ജനീറോ: ബ്രസീലിലെ ബെലെമിൽ നടക്കുന്ന യുഎൻ കാലാവസ്ഥാ ഉച്ചകോടിയിൽ വൻ തീപിടിത്തം. ഉച്ചകോടി പവലിയന് സമീപമാണ് തീപിടിച്ചത്. കേന്ദ്ര പരിസ്ഥിതി മന്ത്രിയും ഇന്ത്യയിൽ നിന്നുള്ള 20 മാധ്യമപ്രവർത്തകരും അടക്കം പരിപാടിയിൽ പങ്കെടുക്കുന്നുണ്ട്.
ഷോര്ട്ട് സർക്യൂട്ട് കാരണമാണ് തീപിടിത്തമെന്നാണ് പ്രാഥമിക നിഗമനം. COP-30 ൽ പങ്കെടുക്കുന്ന രാജ്യങ്ങളിൽ നിന്നുള്ളവരാണ് യുഎൻ കാലാവസ്ഥാ ഉച്ചകോടിയിൽ ആതിഥേയത്വം വഹിക്കുന്നത്.
അഗ്നിശമന സേനാംഗങ്ങൾ എത്തി തീ നിയന്ത്രണവിധേയമാക്കുകയാണ്. പരിക്കുകകളൊന്നുമില്ലാതെ ആളുകൾ രക്ഷപ്പെട്ടുവെന്നാണ് പ്രാഥമിക വിവരം.
International
വാഷിംഗ്ടൺ ഡിസി: അമേരിക്കൻ സർക്കാരിനെ പ്രതിനിധീകരിച്ച് ദക്ഷിണാഫ്രിക്കയിൽ ഈ മാസം നടക്കാൻ പോകുന്ന ജി-20 ഉച്ചകോടിയിൽ ആരും പങ്കെടുക്കില്ലെന്ന് പ്രസിഡന്‍റ് ഡോണൾഡ് ട്രംപ് അറിയിച്ചു. ദക്ഷിണാഫ്രിക്കയിലെ വെള്ളക്കാരെ ആഫ്രിക്കൻ വംശജർ പീഡിപ്പിക്കുന്നു എന്നാരോപിച്ചാണ് ട്രംപിന്റെ തീരുമാനം.
വെള്ളക്കാരെ കൊന്നൊടുക്കുകയും അവരുടെ കൃഷിഭൂമി അനധികൃതമായി പിടിച്ചെടുക്കുകയുമാണെന്ന് ട്രംപ് സോഷ്യൽ മീഡിയയിൽ അവകാശപ്പെട്ടു. ദക്ഷിണാഫ്രിക്കയിൽ മനുഷ്യാവകാശ ലംഘനങ്ങൾ നടക്കുന്നിടത്തോളം അമേരിക്ക പങ്കെടുക്കില്ലെന്നും അദ്ദേഹം കൂട്ടിച്ചേർത്തു.
അമേരിക്കയുടെ തീരുമാനം ഖേദകരമാണെന്നും എന്നാൽ വെള്ളക്കാർ വംശീയവിവേചനം നേരിടുന്നു എന്ന ആരോപണം അടിസ്ഥാനരഹിതമാണെന്നും ദക്ഷിണാഫ്രിക്ക പ്രതികരിച്ചു. ജൊഹന്നാസ്ബെർഗിൽ ഈ മാസം 22നും 23നുമാണ് ഉച്ചകോടി.
International
ബെയ്ജിംഗ്: യുഎസ് പ്രസിഡന്‍റ് ട്രംപും ചൈനീസ് പ്രസിഡന്‍റ് ഷി ചിൻപിംഗും ഇന്ന് ദക്ഷിണകൊറിയയിൽ കൂടിക്കാഴ്ച നടത്തും. ഇരു രാജ്യങ്ങളും മാസങ്ങളായി തുടരുന്ന വാണിജ്യയുദ്ധം അവസാനിപ്പിക്കാനുള്ള നടപടികൾ കൂടിക്കാഴ്ചയിൽ ഉണ്ടാകുമെന്നാണു പ്രതീക്ഷ.
കൂടിക്കാഴ്ചയുടെ കാര്യം ചൈന ഇന്നലെയാണു സ്ഥിരീകരിച്ചത്. വിവിധ വിഷയങ്ങളിൽ ആഴത്തിലുള്ള ചർച്ച ട്രംപും ഷിയും നടത്തുമെന്നു ചൈനീസ് വിദേശകാര്യമന്ത്രാലയം അറിയിച്ചു.
ഷിയുമായുള്ള കൂടിക്കാഴ്ചയിൽ ഇരു രാജ്യങ്ങൾക്കും ഗുണം ചെയ്യുന്ന കരാർ ഉണ്ടാകുമെന്നു ട്രംപ് കഴിഞ്ഞ ദിവസം പറഞ്ഞിരുന്നു. സാന്പത്തികശക്തിയിൽ ഒന്നും രണ്ടും സ്ഥാനത്തു നിൽക്കുന്ന ചൈനയും അമേരിക്കയും തമ്മിലുള്ള വ്യാപാരയുദ്ധം അവസാനിച്ചുകാണാൻ വ്യവസായ, നിക്ഷേപ സ്ഥാപനങ്ങൾ ആഗ്രഹിക്കുന്നുണ്ട്. ചൈന അടുത്തിടെ അപൂർവ ധാതുവിഭവങ്ങളുടെ കയറ്റുമതി നിയന്ത്രിക്കാൻ തുടങ്ങിയത് സ്ഥിതിഗതികൾ സങ്കീർണമാക്കിയിരുന്നു.
ഏഷ്യ-പസഫിക് സാന്പത്തിക സഹകരണ ഉച്ചകോടിയിൽ പങ്കെടുക്കാനായി ഇന്നെത്തുന്ന ഷി ചിൻപിംഗ് ശനിയാഴ്ചവരെ ദക്ഷിണകൊറിയയിൽ തുടരും.
Business
കൊച്ചി: സെന്ട്രിയല് ബയോഫ്യൂവലിന്റെ ആഭിമുഖ്യത്തില് രാജ്യത്തെ ആദ്യ ബയോഫ്യൂവല്‍ സമ്മിറ്റ് കൊച്ചിയില്‍ സംഘടിപ്പിക്കുന്നു. നാളെ ഉച്ചകഴിഞ്ഞ് മൂന്നു മുതല് വൈകിട്ട് ആറുവരെ ഇടപ്പള്ളി ലുലു മാരിയറ്റില് നടക്കുന്ന പരിപാടിയില് ബയോഫ്യൂവല്‍ രംഗത്തെ വിദഗ്ധരായ ചേതന് സായംകാര്, സി.എ. പങ്കജ് ദാര, കമ്പനി ചെയര്മാനും മുന് ഡിജിപിയുമായ ടോമിന് തച്ചങ്കരി, സെന്ട്രിയല് ഗ്രൂപ്പ് എംഡി ജോബി ജോര്ജ് തുടങ്ങിയര് പങ്കെടുക്കും. ബയോഫ്യുവല് വ്യവസായത്തിന്റെ സാധ്യതകളെക്കുറിച്ച് സെമിനാറില് ചര്ച്ചകള് നടക്കും. ഫോൺ: 8943053400, 8943015400.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN